Сүүдэр

Би хэн нэгний сүүдэр
Биегүй бас хэлгүй
Харанхуйгаас айдаг
Хар бас цагаан
Би хэн нэгний сүүдэр
Бодолгүй бас сэтгэлгүй
Нарнаас айдаг
Намайг хүмүүс байна бас байхгүй гэж ярьдаг

Би хэн нэгний сүүдэр
Борооноос цаснаас айдаг
Байхгүй биеийг минь норгочихно гэж эндүүрдэг
Байгаа бүхнийг минь авчихна гэж айдаг
Би хэн нэгний сүүдэр
Болздоггүй бас догдолдоггүй
Уулын цаанаас саран гарахад ичдэг
Уруу бас дорой
Би хэн нэгний сүүдэр
Байдаг бас байдаггүй
Өөрөөсөө бүхнийг нуудаг
Өөр хэн нэгэн олоход нь талархдаг
Би хэн нэгний сүүдэр...